Отбасы – адам баласының түп қазығы, алтын ұясы. Адам баласы шыр етіп дүние есігін ашқаннан бастап сол ортаның ыстық – суығына бейімделіп, ықпалына көніп ер жетеді. Ата-ана – отбасының негізгі діңгегі, бастапқы дәнекері. Жыл сайын қыркүйектің екінші жексенбісінде Қазақстанда Отбасы күні аталып өтіледі. Осыған орай, Жиделі бастауыш мектебінде 1-4 сынып оқушылары арасында "Отбасы бақыт мекені" тақырыбында тәрбие сағаты өтілді.

Мақсаты: Отбасы туралы ұғымдарын кеңейту.Отбасы — әр адамның шағын Отаны екенін түсіндіру. Балалар әке — шешесінің қамқорлығына, сүйіспеншілігіне бөленіп, олардың дәулеті мен қызығын көріп қана қоймай, олардан адамгершілік қасиеттерін алып, жақсы қасиеттерді бойына сіңіре отырып, ата — анаға , отбасынын мүшелеріне сыйластық, мейірімділік, татулық, қамқорлық көрсетуге тәрбиелеу.